يا ربّي يسوع، إنت الطبيب الوحيد اللي بيعرف أمراضنا وبيفوت على عمقا تا يشفيها.

يا ربّي يسوع، إنت جيت على عالمنا اللي فيه الإنسان مريض وضعيف، مريض بالخطيِّة وضعيف قدَْام التجارب، بس إنت جيت وحامل معك الدوا لكلّ أمراضنا، وما حرمت حدا منَّك، بس في البعض رفض الدوا وخسر حالو، والبعض قبلو وشفي.

يا ربّي يسوع، إنت بتعرف كلّ حدا منّا، عطي القَوي والصحيح القوّة تا يكون إيدك لكلّ إنسان مريض ومحتاج منَّا وخلِّصنا من أمراضنا اللي بتحاول إنها تبعدنا عنّك، وهيك منكون عم نعكس صورتك وحُبَّك للعالم.

/الخوري يوسف بركات/