06 Dec
06Dec

يا ربّي يسوع، كتار من الناس اللي بيفكرو حالن إنّن قادرين يلتقيو فيك بالبعد عن العالم، بس إنت، بحوارك مع زكّا العشَّار، فهّمتو إنَّك على موعد معو بين الناس لمّن دعيتو تا ينزل عالسريع بين الناس ويلاقيك.

يا ربّي يسوع، إنت الوحيد اللي بدَّك يانا نمشي بطريق الصدق الحقيقي الكامل معك أوَّل شي ومع ذاتنا ومع الآخرين.

يا ربّي يسوع، زكّا عمل فعل توبة كبير، وإعترف بإنّو خاطي، لهيك غفرتلّو وقلت للجماعة بإنَّك جايي تا تفتّش عن الضايع وتخلّصو.

تعا يا ربّ، وفوت على بيوتنا وقلوبنا وأسكب فيها خلاصك، تا نقدر نحيا معك للأبد.



/الخوري يوسف بركات/

تعليقات
* لن يتم نشر هذا البريد الإلكتروني على الموقع.