يا ربّي يسوع، منتذكّر بهالنهار المبارك، القدّيسة بربارة الشهيدة، هالصبيِّة اللي هشلت من بيت بيّا وكل شي فيه من غنى، وإبتعدت عن الأصنام وعن كل مغريات العالم، وإختارت إنها تكون بنتك وعروستك.
يا ربّي يسوع، منتأمَّل بهالإنسانة القدّيسة، كيف إختارت إنّها تتعرّف عليك وتحبّك، وتفضّلك عن كل الآلهة اللي إنفرضت عليها، والنتيجة كانت الإستشهاد.
يا ربّي يسوع، منتأمَّل بعظمة هالحبّ اللي بادلتك ياه بربارة القدّيسة الشهيدة، حتّى وصلت معها إنّها إختارت العذاب والموت حبّا فيك، ولا الإنجرار ورا الخطيِّة.
علِّمنا يا يسوع، كيف نعيش الحبّ الحقيقي معك، ونختارك الملك والإله والحبيب الوحيد لحياتنا.
/الخوري يوسف بركات/
