منشكرك يا الله الآب لأنّك إخترتلنا العدرا مريم تا تكون مثال لإيماننا، هيّي اللي حملت إبنك يسوع ونقلتو من قلبا وأحشاءا لقلوبنا وأحشاءنا.

منشكرك يا الله الإبن يسوع المسيح، لأنّك إنت حياتنا، ولأنّك عم بتزور قلوبنا وحياتنا كل يوم، من خلال كلامك وجسدك ودمّك والكنيسة والأسرار، وتجعل منّن بيتك، تسكن فيه للأبد.

منشكرك يا الله الروح القدس، حامينا ومعزّينا بكلّ لحظة، لأنّك عم بتخلّينا نلتقي بالربّ من خلال كلّ إنسان بتحطّو بدربنا، من أهلنا لإخوتنا وأصحابنا ومجتمعنا، منشكرك لأنَّك عم بتقوِّينا تا نحمل الربّ يسوع، القربان المقدّس، لكلّ إنسان محتاج لحضور الله الآب الحنون، والإبن الرحوم، والروح المعزِّي بحياتو.

/الخوري يوسف بركات/