يا الله الآب، منشكرك على عطاياك اللي ما بتنتهي، منشكرك على هالحياة الجديدة اللي دعيتنا لإلها بالمعموديِّة، منشكرك لأنّك عم بتصبّ فينا حبّك، وبتغذّينا من جسد إبنك ربنا يسوع المسيح.

يا إلهنا وجبيبنا ومخلّصنا يسوع المسيح، منشكرك على حبّك اللي ما بينتهي، منشكرك لأنّك تخلَّيت عن عرشك السماوي تا تعطينا ذاتك ذبيحة قربانيِّة، منشكرك لأنّك عم بتجدّدنا دايماً بالروح القدس.

يا روح الله القدّوس والمعزّي، منشكرك على نعمك اللي ما بتنتهي، منشكرك لأنّك بتملّي قلوبنا مياه حيّة ونار ومحبّة ورجا بالحياة الأبديّة معك ومع الآب والإبن.

/الخوري يوسف بركات/