08 Nov
08Nov

يا ربّي يسوع، كتار اللي بيقولو إنّو القداسة هيّي لمّن منهرب من العالم، بينما أغلب القدّيسين عاشو وسط العالم وقاسو تجارب العالم واتَّكلو عليك بالعالم لأنّك إنت اللي غلبت العالم.

يا ربّي يسوع، صلاتك للآب السماوي كانت دايماً تا ما يرفعنا من العالم، وإنّما يحفظنا بالعالم من العالم، ونكون متل الخميرة بالعجين والملح بالأكل والنور بالعتمة.

يا ربّي يسوع، فيك الحياة بتحلى، رغم صعوباتا، ومعك بتحلى لأنّك بتجعلنا مسؤولين عن تغيير العالم، من خلال عيشنا فيه بإتّحادنا فيك.

إحفظنا يا ربّي يسوع، من الشرّ والشرير نحنا وبالعالم، تا تعمل إنت فينا على تغييرو من جوّا، وتتمجّد إنت بحياتنا.



/الخوري يوسف بركات/

تعليقات
* لن يتم نشر هذا البريد الإلكتروني على الموقع.