يا ربّي يسوع، إنت اللي إئتمنتنا على الإيمان فيك، هالإيمان الحقيقي اللي بينقل الجبال، ومش الإيمان الهشّ المرتكز عا كلمات وعواطف، لا بل الإيمان اللي بيعطي الحياة.

يا ربّي يسوع، إنت اللي بتدعينا كل يوم على حقلك، الحقل اللي فيه الإنسان بحاجة لإلنا تا نعمل بكلامك ونكون معو رسل سلام وخدمة بمجتمعنا.

يا ربّي يسوع، قديش عم نخذلك بتردّدنا لمّن منوعدك إننا بدنا نكون معك ونبعد عن الخطيِّة، بس منضعف ومنتراجع عن قرارنا.

يا ربّي يسوع، اليوم رح نسعى إننا نلبّي دعوتك لإلنا تا نأكّد إيماننا فيك، ونثبت بالرسالة معك بكرمك.

/الخوري يوسف بركات/