يا ربّي يسوع، شو حلو هالنهار اللي فيه بتعيّد الكنيسة عيد جميع القدّيسين، هالقدّيسين اللي كانو وبعدن عم بيعيشو حياتن بجهاد ضد الشرِّير وتجاربو اللي بتحاول إنها تغري الإنسان وتشدّو صوب الخطيِّة والضياع.


يا ربّي يسوع، منشكرك على كل القدِّيسين اللي مرقو، وبعدن عم يمرقو بحياتنا، تا يزيدو فينا الحماس والشجاعة برسالتنا، ونثبت أكتر وأكتر بحبّنا إلك.


يا ربّي يسوع، على مثال كلّ القدّيسين والقدّيسات بدنا نحاول إننا نكون عم نعيش حياتنا، ونرتوي، متل ما هنّي ارتَوُو، من ينبوع حُبَّك المتدفِّق من قلبك الطاهر، ونغرف، متل ما هنِّي غرفو من كنز حنانك ورحمتك، كل النِّعَم والعطايا، ونترجما رسالة حب وسلام بالعالم كلو.

/الخوري يوسف بركات/