29 Oct
29Oct

يا ربّي يسوع، شو هالسرّ اللي فينا نحنا البشر، وخصوصي اللي منآمن فيك ربّ وإله وملك ومخلّص.


إيَّام منكون معك ومنغوص بحبّك للآخر، وبلحظة منضيّع كل شي عملناه ومنهدّم كل اللي بنيناه، لأننا منشوفك بس بالكتاب ومنتناسى إنّك موجود بالإنسان اللي إنت حطَّيتو بحياتنا تا نكون حرّاس عليه.


يا ربّي يسوع، إذا بدنا ياك، ما فينا ما نشوفك بالآخرين، وإذا بدنا نحبّك، ما فينا ما نترجم هالحبّ بحبّنا للآخرين، وإذا بدنا نربح الملكوت، ما فينا إلَّا ما نكون حرّاس حقيقيِّين لإخوتنا، نحبّن ونفعّل منطق الخير من خلال أعمال المحبّة.


يا ربّي يسوع، يمكن تأخّرنا تا نفوت بعلاقة الحب الحقيقيِّة معك، بس الأهمّ إننا نمشي الدرب معك مهما كانت صعبة، لأنّو معك كل شي بيهون.



/الخوري يوسف بركات/

تعليقات
* لن يتم نشر هذا البريد الإلكتروني على الموقع.