يا يسوع الحبيب، شو حلو هالتشبيه للملكوت السماوي بالعرس، وشو في أجمل من العرس، وما فيه من وليمة، تا تدعينا عليه يا إله الفرح والسلام؟


يا ربّي يسوع، العرس السماوي بيختلف عن كل الأعراس، لأنّو بالإضافة للفرح اللي بيحملو، هوّي حياة بين جماعة متشاركة ومتضامنة، وفيه الثوب الحقيقي، ثوب الإيمان والمحبِّة والرجاء، ثوب محبّة خيي الإنسان، وشو حلو إننا نكون كلّنا لابسينو وعم نعيش بموجبو، لأنّنا من دونو ما إلنا محل بجماعتك.


يا ربّي يسوع، ما بدنا نكون متل المسيحيّين الفرّيسيّين اللي بيدّعو الإيمان وشهادة حياتن ما بتعكس هالتلمذة، بدنا نكون مليانين من نعمتك، وعّينا تا نعرف كيف نعيش كلمتك ونتشاركا مع الآخرين.

/الخوري يوسف بركات/