يا ربّي يسوع، منشكرك عا كلامك، هالزرع الحلو، اللي عم تزرعو فينا، نحنا اللي عم نحاول إننا نكون الأرض الطيبة تا نثمر ثمار بتليق فيك وبدعوتنا كمسيحيّين، ونعرف نعطي أجود الثمار.
يا ربّي يسوع، بقوّتنا الشخصيّة، ما رح نقدر نكون هالأرض الخصبة والجيدة، نحنا بحاجة للروح القدس تا ينمّي فينا بذور المحبِّة ويروينا من ماء الحياة.
يا ربّي يسوع، شو في أجمل من الصلاة والصوم والتأمّل بكلامك، تا نقدر ننما فيك وتتغلعل كلمتك فينا وتصير هيّي حياتنا؟
يا ربّي يسوع، أعطينا القوّة تا نقدر نعيشك بهالعالم المليان حقد وكراهية وحسد وطمع، ونسلّمك حياتنا تا تحوّل كلّ شي فيها لخيرنا ولقداستنا برسالتنا عا هالأرض.
/الخوري يوسف بركات/
