يا ربّي يسوع، إنت اللي إخترت ١٢ شخص وأرسلتن تا يبرمو العالم ويبشرو فيك وبمجد قيامتك، ومن بعد هالرسل إخترت لوقا الإنجيليّ، تا يكون عم يشهد عن إيمانو فيك وعن حقيقتك الإلهيّة بحياتو من خلال الإنجيل اللي فيه بيّنلنا قدّيش الله الثالوث بيحبّنا.


يا ربّي يسوع، متل ما كان الإنجيليّ لوقا مسؤول عن هالوزنة اللي عطيتو ياها وعِرِف تاجر فيا، كمان نحنا مسؤولين عن كلّ المواهب اللي زرعتا فينا، ورح نتحاسب بدورنا عن تفعيلا ببناء عالم جديد، عالم روحاني بيعرف يمجّدك، غير العالم المادّي المبني عالمصالح الشخصيِّة وعالأنانيِّة.


يا ربّي يسوع، قوّينا تا نعرف نمشي بحسب تعاليمك، ونحبّك من كلّ قلوبنا، ونتخلَّى عن كلّ شي ونتبعك.

/الخوري يوسف بركات/