يا ربّي يسوع، مع بداية هالأسبوع، ووسط كلّ يللي عم بيصير حوالينا، منرفع عيوننا وقلوبنا صوبك ومنصرخلك :

إرحمنا يا ربّ وإرحم العالم أجمع، هالعالم الضايع واللي عم يتخبّط بالأنانيّة والطمع وحبّ الذَّات ومحاولات السيطرة والتسلّط والقتل.


يا ربّي يسوع، مع بداية هالأسبوع، منوقف قدّامك ورافعينلك ضعفنا اللي عم بيحاول يبعدنا عنّك، تا نرجع نقوى فيك عا كل أنواع الخطيّة اللي عم بتحاول إنها تضغط علينا بإغراءاتا.


يا ربّي يسوع، مع بداية هالأسبوع، منقدّملك قلوبنا وأفكارنا وعقولنا، وكلنا قصد إننا نبلّش بداية جديدة معك مليانة منّك ومن الروح القدس، وكلنا إيمان وثقة ورجا إنّو رح تنجّينا من كلّ تجارب الشرّير.

/الخوري يوسف بركات/