24 Sep
24Sep

يا ربّي يسوع، حياتنا المسيحيّة اليوم ودايماً بجهاد ضد منطق الدمار، ضد الحسد والغيرة والأنانيّة والكبريا واليأس وغيرن.


يا ربّي يسوع، اليوم وبكل لحظة إنت بتدعينا إننا نتوقّف عن تدمير هيكلنا بالخطيّة والكبريا، هيكل الروح القدس، جسدنا وحياتنا الروحيّة.


يا ربّي يسوع، كم مرّة بتدعينا إننا نبلّش نبني حياتنا الروحيّة معك بالصلاة وبالإلتزام بتعاليمك حتّى آخر لحظة من حياتنا.


يا ربّي يسوع، اليوم رح نقصد إننا نوعى ونعيش دعوتنا بإننا نبعد عن منطف الفرديّة والعنف والتسلّط والتكبّر، وننشر حبّك بكلّ مكان منكون فيه، إننا نزرع الفرح والأمان والرجا وين ما منكون، لأننا نحنا أبناء وبنات الرجا بحياة جديدة وحلوة معك يا إلهنا الحبيب.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.