إلهي وحبيبي يسوع، منشكرك عالعدرا مريم، هالإنسانة اللي قبلت إنها تكون بيت القربان يحملك بأحشاءا، مريم اللي قبلت إنها تكون إمّك عا هالأرض، وبقيت كل حياتا مكرّستا لخدمتك بالإنسان، وخدمة كلمتك بحياتا اللي عاشتا من دون خطيّة تا يبقى جسدا وفكرا وقلبا طاهرين، لهيك إستثنيتا عن كل العالم ورفعتا لعندك، بالنفس والجسد، على ملكوتك السماوي.
إلهي وحبي يسوع، مع العدرا مريم إمّك منعظّمك ومنمجّدك ومنفرح فيك ملكنا ومخلّصنا، إنت اللي نقّيتنا تا نكون بفعل العماد رسل حقيقيّين وشهود لكلمتك وصورة عنّك ونورك بين العالم.
يا مريم إمّنا، علّمينا كيف نكون تابوت العهد، نحمل هالكنز، الربّ يسوع، بقلوبنا، ونحافظ عليه بكل إيمان ورجا ومحبِّة وتواضع.
/الخوري يوسف بركات/
