يا ربّي يسوع، نحنا منشكرك لأننا دايماً معك منكتشف الله الآب لمّن بتدعينا تا نفوت بعلاقة شخصيّة مع الثالوث الأقدس، ونختبر ونلمس حبّك اللي ما إلو حدود.


يا ربّي يسوع، معك منقدر نفوت لعمق ذاتنا ومنكتشف، متل ما إكتشف نيقوديمس، إنّو الله الآب هوّي سبب وجودنا وحقيقة وجوهر كياننا.


معك يا ربّي يسوع منكتشف إنّنا من عند الآب جينا ولعند الآب فيك منوصل ومنحقّق ذاتنا ومواهبنا وفرادتنا كأشخاص محبوبين ومش متروكين.


يا ربّي يسوع، وحدو حبّك بيدفعنا تا نعرف جوهر حياتنا، ونمتلي من نورك ومن قوّتك تا نقدر نتغلّب على صعوبات الحياة بإتّحادنا فيك.

/الخوري يوسف بركات/