يا ربّي يسوع، دايماً منتساءل، متل التلاميذ، مع بعضنا وبين أنفسنا، مين هوي الأعظم بملكوتك، وما منلاقي الجواب البسيط اللي عطيتو للرسل، لأننا ما بدنا نقبل إنّو عيش الطفولة الروحيّة والتواضع هنّي الأساس وبيوصّلونا للملكوت.
يا ربّي يسوع، تفكير الرسل هوّي تفكير بشري، وتفكير كلّ واحد وواحدة منّا، لأننا دايماِ بدنا الشي الملموس ومنضيع عن الهدف اللي هوّي الحياة الأبديّة المليانة فرح وسلام، من دون مراكز.
يا ربّي يسوع، اليوم، بعيد مار ميخائيل، منوقف وقفة إيمانيّة تا نسأل حالنا شو هوّي الأهمّ :
الأعظم بملكوت الله واللا طريقة الوصول لملكوت الله؟
/الخوري يوسف بركات/
