يا ربّي يسوع، في طلب من الطلبات اللي طلبوها منّك تلاميذك، وهوي إنّك تزيدن إيمان، فكان جوابك واضح وهوّي دعوة للإيمان الصادق اللي ما بيتزعزع، لأنّو ما بيهمّك كميّة المؤمنين بل النوعيّة، وهالإيمان الصادق ما بيتحقّق وبيكون واقعي إلّا لمّن منترجمو بالأعمال.
يا ربّي يسوع، منسلّمك ذاتنا بحبّ، ومنطلب منّك إنّك تجي وتملك عا حياتنا وتكون إنت السيّد والفاعل فينا واللي بتحيينا وبتنمّينا.
يا ربّي يسوع، بدنا ننما فيك، ومتل ما حبّة الخردل بتطلع صوب النور، هيك إيماننا بيِنما بالحبّ وبالإلتزام صوبك يا إله الكون.
يا ربّي يسوع، تعا وفوت عا كياننا وتغلغل بقلوبنا وملّينا من حبّك، تا نعيش الفرح والسلام الحقيقي بوسط كل الأزمات اللي عم نمرق فيا بحياتنا.
/الخوري يوسف بركات/
