بيخبرو عن شب راح عالصّيد بجبل بعيد بيشوف زلمي عم يحفر بالأرض كل مطرح شوي بيقلو يا عمّ ليش عم تحفر بهالجرد؟ بدّك ساعدك؟
قلّو الزلمي: كنت مخبّي ذهب بالتراب و ما عم لاقيهن بقا!
جاوب الشّب: كان لازم تحطّ شي علامة تا تعرف وين!
قلو: حطيت! كان في غيمة رمادية فوق المطرح...
الزوّادة اليوم بتقلنا شغلتين:
ما تتّكلو عا إشيا مش ثابتة تقرّر مصيركن متل الغيمة اللي اتكل عليها الزلمي، ربنا وحدو الثّابت بهالدني!
و تاني شي: تذكّروا إنّو ما تكنزوا إلكن كنوز بالأرض لأنن ما بيدوموا متل ما ضاعوا دهبيات هالزلمي...
يومكن حلو مع يسوع❤
المصدر : صفحة Jesus My Lord
