بيخبرو عن أبونا بصف التعليم المسيحي بالمدرسة عم يعلّم الولاد تراتيل و يفسّرلن إنّو في منّن مزامير مرتّلة متل المزمور ٢٣ و طلب منّن يحفظوه للمرّة الجايي.

صار يسمّعلن وصل دور صبي بيوقف بيقول: الربّ راعي فلا يعوزني شيء و قعد.

بيسألو الأبونا ليش ما درس الباقي بيقلّو الصبي بكل براءة:

بيكفي أعرف إنّو الرب راعي و لا يعوزني شيء شو بدّي بعد!

عنجد شو بدنا بعد!

الله معنا وين ما كنّا و ما بيخلّينا نعوز شي و عاطول بيتدخّل بالوقت اللازم و بيعطينا حاجاتنا و زيادة حسب حكمتو!

بزمن العيد دعوتنا للكل نرجع للرب و نعيش معو الحب و نوثق فيه نسلمو كل شي و الله معكن...

المصدر : صفحة Jesus My Lord