بيخبرو إنّو قوانين الدير اللي كانت فيه القدّيسة تريزيا الطفل يسوع كانو ما بيسمحو للراهبة تطلع من الدير تحت أي ظرف و معروف عن تريز قدّيش معلّقة ببَيها خصوصاً بعد ما توفّت إمها.
تخايلوا قدّيش كان صعب عليها تعرف إنّو بَيها مريض كتير و يمكن ما يعيش و كل ولادو ترهّبوا ما عندو حدا يهتم فيه!
قدّيش قلبها الزغير الحنون زعل إنها مش قادرة تغمرو و تكون حدّو...
صلّت من كل قلبها للعدرا شفيعتها و قالتلها يا عدرا أنا هون بالدير بهتم بإبنك يسوع و نتي إهتمّيلي ببَيّي!
شو هالإيمان اللي عندها! نيّالها!
نحنا يمكن كنّا ضعفنا و فلّينا أو كنّا عاتبنا ربنا عهالموقف الصعب بس تريز بتعرف إنّو إهتمام سكّان الأرض ما بيبيّن قدّام حبّ و إهتمام سكّان السما!
شوفوا البَي اللي تريز وصّت العدرا فيه صار اليوم قدّيس! الله يرافقكن و يقدّسكن!
المصدر : صفحة Jesus My Lord
