مرّة جِدّ قدّم نصيحة لحفيدو بتقول :

ما تخلّي حالَك تعطَش لدرجة تخلّيك تقبَل تشرَب من أي كبّاية بتتقدّملك.

يسوع عالصّليب لمّا قال أنا عطشان عطيو خل!

معقول يا رب إذا إنت و ما قدِرت ما تعطَش و كنت بموقف ما قدرت إلاّ ما تشرَب نحنا نقدر نعمل هيك شي!؟
غلط!
يسوع بيقدر يعمل كل شي بس هوي انهان تا يردّلك كرامتَك، مات تا تعيش، شِرب خلّ تا تشرَب إنتَ ماء الحياة!

بعد كل هالتّضحيات كرمالنا بيستاهَل منا يسوع ما ننسى إنّو نحنا ولاد الله و ما نقبَل بخطايا و إشيا ما بتليق بولاد ملك المجد!...

صلّوا و حبّوا و تأمّلوا بالإنجيل المقدّس و ما رح تعطشوا أبدًا!

المصدر : صفحة Jesus My Lord