النسر


02 Aug
02Aug
إعلان خاص

بيخبّرو عن رجّال كان يحب الصيد كتير، بيوم من الإيّام هوي وعم يتصيّد بالغابه لاقى بيضه حملها معو ع البيت، أخدتها مرتو يللي كانت عم بتقعّد قرقه وحطّتها تحتها مع كل البيضات، بعد ٢١ يوم فقّصو البيضات وفقّصت متلهن صوص، عاش صوص كبر وصار دجاجه.

بيوم من الإيام كانت عم تعمل صبحيه هيي ودجاجه، جارتها بتشوف بالجوّ شي طاير بتقول لجارتها :

"غريب الإنسان شو تطور عمل طياره بتطير بالجوّ".

بتقلّها لدجاجه جارتها :

"هيدي مش طيارة هيدي متلك نسر".

المتفائلين بيقولو إنّو في حدا إجا كبّها بالجو طارت وبعد نتفه وقعت، كبّها من جديد طارت أكتر ووقعت، كبّها تالت مرّه طارت وبعدها طايرة، المتشائمين قالوا :

" خلقت صوص عاشت دجاجة وماتت دجاج".



الزوّاده بتقلّنا :

إذا بالغلط خلقنا صيصان ممنوع نموت دجاج إنّما نسور، ممنوع نموت متل يهوذا، إنّما موت الشهداء والقدّيسين.



المصدر : صوت المحبّة

11Jan
تعليقات
* لن يتم نشر هذا البريد الإلكتروني على الموقع.