النسر


11 Jan
11Jan


بيخبّرو عن رجّال كان يحب الصيد كتير، بيوم من الإيّام هوي وعم يتصيّد بالغابه لاقى بيضة حملها معو ع البيت، أخدتها مرتو يللي كانت عم بتقعّد قرقة وحطّتها تحتها مع كل البيضات، بعد ٢١ يوم فقّصو البيضات وفقّصت متلهن صوص، عاش صوص كبر وصار دجاجة.

بيوم من الإيام كانت عم تعمل صبحية هيي ودجاجة، جارتها بتشوف بالجوّ شي طاير بتقول لجارتها :
"غريب الإنسان شو تطور عمل طياره بتطير بالجوّ".
بتقلّها لدجاجه جارتها :
"هيدي مش طيارة هيدي متلك نسر".

المتفائلين بيقولو إنّو في حدا إجا كبّها بالجو طارت وبعد نتفة وقعت، كبّها من جديد طارت أكتر ووقعت، كبّها تالت مرّه طارت وبعدها طايرة، المتشائمين قالوا :

"خلقت صوص عاشت دجاجة وماتت دجاجة".


الزوّاده بتقلّنا :

إذا بالغلط خلقنا صيصان ممنوع نموت دجاج إنّما نسور، ممنوع نموت متل يهوذا، إنّما موت الشهداء والقدّيسين. والله معكن...


المصدر : صوت المحبة

تعليقات
* لن يتم نشر هذا البريد الإلكتروني على الموقع.