صبحية مع الرب


23 Aug
23Aug
إعلان خاص

ببداية هالأسبوع المبارك منسبّحك ومنمجّدك يا ربّ السما والأرض ومنشكرك عا كل نعمك وعطاياك.

عظيم انت يا ربّ كيف بتحملنا بقلبك رغم كل الضعف اللي لابسينو وبضعفنا منجرحك.

عظيم انتي يا ربّ كيف كتفك اللي حمل الصليب عم يحملنا بخطايانا اللي عم نرتكبا بحقّك.

عظيم انت يا ربّ لمّن عم تترك كل شي بهالدني وبتلحق كل واحد وواحدة منّا لمّن منضيع بمتاهات هالعالم الضايع.

عظيم انت يا ربّ لمّن بتضلّك عاطينا الفرص ورا بعضا تا نتوب ونرجع لحضنك وتملّكنا الفرح الأبدي معك بالملكوت السماوي.

المشكلة عم بتكون فينا يا ربّ، نحنا اللي عم نستسلم لتجارب الشرّير ونوقع بالخطية اللي عم تحاول تحرمنا من الفرح فيك والعيش معك بسلام.

اليوم، قبل بكرا، بدنا نسعى اننا نرجع نعمل مراجعة لكل تصرفاتنا ونرجع نصوّبا تا تكون لتمجيدك.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.