19 Aug
19Aug
إعلان خاص

مع بداية هالنهار المبارك، منرفعلك يا ربّ قلوبنا وافكارنا لنمجّدك ونسبّحك ونعظّمك.

نحنا يا ربّي يسوع اللي ما منستحق، بسبب خطايانا اللي عم نرتكبا، إنّك تدعينا لوليمة الحبّ اللي بتدعينا لإلا، ما رح نعرف حقيقة ومعنى الحب المجّاني.

نحنا اللي بخطايانا عم نرفضك، دعيتنا تا نكون أبناءك وبناتك، رسل وتلاميذ، تا نحبّ متل ما انت حبّيتنا يا ربّ.

نحنا، اللي بعدنا متمسّكين بخطايانا، بعدك عم تدعينا تا نحبّ، بس مش متل ما بدنا، ولا نحب مقابل مصلحة، دعوتك لإلنا هيي للحب اللي ما الو حدود.

وبعدك عم تدعي كل انسان يا ربّ، مين ما كان وشو ما كنت حالتو، لوليمة الحبّ اللي انت حبّيتنا ياه واللي بعدك عم بتحبّنا ياه، رغم رفضنا الغير مباشر لهالحب من خلال تعلّقنا بالعالم وبشهواتو.

ونحنا تلاميذك يا ربّ، رسل حبّك، رح نسعى، بقوة روحك القدّوس تا تكتمل رسالة هالحبّ فيك وبالآخرين.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.