صبحية مع الرب


23 May
23May
إعلان خاص

بصباح هالأحد المبارك اللي فيه عم بيحل الروح القدس عالتلاميذ تا ينطلقو بالرسالة بدنا نعظمك يا ربّ.


عظيم يا ربّ، انت اللي نزلت عا هالدني تا ترفعنا، نحنا ولادك، وتشجّعنا بوقت العالم كلّو عم بيحاول يقتل الأمل فينا ويحطّم شخصيّتنا.


عظيم يا رب، انت اللي جيت لعنّا تا نقدر، فيك ومعك، نتحمّل مسؤوليّة مشاكلنا ونسيطر عا مشاعرنا وخصوصي بلحظات الضعف والغضب، وتكون عنّا المناعة بقوّة روحك القدّوس بوجّ التجارب والمحن.


عظيم انت يا ربّ، لأنّك الإله الحيّ ونحنا منحيا بروحك القدّوس. ومعك بتغيب الأنانيّة تا تنفتح قلوبنا وعقولنا عا حبّ الغير ولو كان مختلف عنّا.


معك يا ربّ منحسّ اننا بقلبك متل ما انت بقلبنا، ومع روحك القدّوس منحسّ اننا بقمّة الأمان والفرح والسلام.

ومعك يا روح الله، بدنا نمتلي من الصدق والحقّ والحياة والحرّية المقدّسة.


/الخوري يوسف بركات/

Social media khoddam El rab
تعليقات
* لن يتم نشر هذا البريد الإلكتروني على الموقع.