صبحية مع الرب


09 Aug
09Aug
إعلان خاص

ببداية هالأسبوع المبارك، وبهالنهار اللي عم نذكر فيه الرسول متّيا، منشكرك ومنسبّحك ومنمجّدك يا ربّ.

نحنا منعترف فيك ملكنا ومخلصنا يا إلهنا الحبيب، لأنّك جيت عا حياتنا تا تخلصنا وتعطينا الملكوت.

إنت اللي سلّمتنا ذاتك، جسدك ودمك، تا نكون رسل حقيقيين وشهود حقيقيين لإلك، نعرف كيف نحط حالنا بين ايديك وتكون إنت القدوة والمثال لحياتنا المسيحية والهدف اللي عم نسعى كل حياتنا إننا نوصلّو.

ورغم هالشي بعدنا ما عم نعرف نستسلم لإرادتك القدّوسة اللي بتعمل منّا أيقونة حبّك بالعالم.

جايين لعندك يا ربّ، نحنا التعبانين من صعوبات هالحياة، ومن أمراضا الجسديّة والروحيّة، تا إنت تباركا وتحوّلا لصليب صغير نحملو معك، وتقدّسنا من خلالو.

علّمنا التواضع يا ربّ، تا نقدر نعيش حياتنا المسيحيّة بكلّ أمانة معك وفيك، ونعرف نحسّ بطعم الصليب اللي حملتو حبّا فينا.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.