صبحية مع الرب


04 Aug
04Aug
إعلان خاص

بهالصباح المبارك، المليان من نعمك وعطاياك يا ربّ، منسبّحك ومنمجّدك.

من شو بدنا نخاف يا ربّ ونحنا كلنا ثقة فيك انّك حاضر معنا بكل تفاصيل حياتنا؟

من شو بدنا يا ربّ نخاف ونحنا عارفين ومتأكدين إنّك حامينا من كل تجارب الشرير؟

من شو بدنا نخاف يا ربّ ونحنا كلنا ايمان بإننا رح نلتقي فيك بعد ما تنتهي حياتنا الفانية؟

انت فرحنا وسعادتنا يا ربّ، ومن دونك الحياة ما بيعيد الها طعمة ولا لون.

انت املنا ورجانا يا رب، ومن دونك اليأس بياكلنا ومنصير اجساد بلا روح.

انت كنزنا الوحيد يا ربّ، ولو شو ما عملنا وقد ما جمعنا من كنوز بتبقى فارغة من دونك.

وانت غايتنا وهدفنا بالحياة يا ربّ، قلوبنا ما بترتاح الا فيك لأنّك وحدك اللي بتعطينا القوة تا نقدر نواجه كل الصعوبات اللي عم نواجها بهالايام.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.