صبحية مع الرب


22 May
22May
إعلان خاص

شو هالقلب الكبير اللي فيه حبّيت البشرية محبّة ما الها حدود يا ربّ. وشو هالوصية الصعبة اللي عم بتوصّينا فيها اننا نحبّ اللي ما بيحبّونا يا ربّ.

تساؤلات كتيري بتجي عا راسنا.
كيف بدنا نحب اعداءنا؟ كيف بدنا نحبّ اللي جرحونا وبعدن عم بيجرّجو فينا؟ كيف بدنا نحبّ الاشخاص اللي عايشين بالغلط والخطية غامرتن؟بس شي مرّة سألنا حالنا وسألناك هالأسئلة يا ربّ؟ كيف قادر تحبّنا وتسامحنا، نحنا اللي بأنانيّتنا عم ننكرك ونفضّل حالنا عليك؟ كيف قادر تحبّنا وتسامحنا، نحنا اللي منهينك ومنفضّل شهواتنا وغرائزنا عليك؟ كيف قادر تحبّنا وتسامحنا يا ربّ، نحنا اللي كل يوم عم نقتلك بحقدنا وكراهيّتنا بعضنا لبعض.


اليوم مش متل كل يوم، اليوم هوي بداية لنمط جديد بالحياة معك اللي فيا رح نحاول نعيش المحبّة متل ما انت علّمتنا كيف نحبّ.


/الخوري يوسف بركات/

Social media khoddam El rab
تعليقات
* لن يتم نشر هذا البريد الإلكتروني على الموقع.