صبحية مع الرب


20 Jul
20Jul
إعلان خاص

بصباح هالنهار اللي منعيد فيه مع النبي ايليا، منسبّحك ومنرفعلك انشيد المجد يا ربّ.

متل ما بيعني اسم إيليا "إلهي هو الله"، نحنا كمان منعلنك يا ربّ إنك إلهنا ومخلصنا الوحيد.

ومتل ما حمل النبي أشعيا إسمو وطبّقو عا شخصيتو وعا رسالتو المميّزة، حتى انّو العالم افتكروه المخلص المنتظر، هيك نحنا كمان، بدنا نسعى كل حياتنا تا تكون اقوالنا وافعالنا وسيرة حياتنا بتليق بالصفة اللي انطبعنا فيها بالعماد: مسيحيين.

ومتل ما اختار النبي إيليا الأمانة لإلك يا ربّ، ورذل عبادة الاوثان وشهد بحياتو لإلك، نحنا كمان بدنا نرفض كل شي بيجذبنا صوبو وبيحاول يكون الهنا غيرك.

ومتل ما كان إيليا النبي غيور عا الإيمان فيك، وشهد لإيمانو وتحمّل كل الاضطهادات كرمالك، نحنا كمان يا ربّ، رح نستسلم لإرشدات وإلهامات الروح القدس تا نتحلى بجرأة وشهادة النبي ايليا.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.