18 Jul
18Jul
إعلان خاص

بهالأحد الفارح منرفعلك كل التسبيح والتمجيد والتعظيم يا ربّ السما والأرض.

نحنا منآمن يا ربّي يسوع بإنّو محبّتك للآب السماوي وطاعتك للرسالة اللي جيت كرمالا عا ارضنا خلّتنا نفهم كيف بتكون الشراكة الحقيقية، ونتحسّس هالإتّحاد بينك وبين الله الآب والله الروح القدس.

كلنا إيمان يا ربّ، نحنا الممسوحين عا اسمك، بإننا مدعوين تا نحبّ الرسالة اللي انت وكّلتنا ياها متل ما انت حبيت رسالتك، ونحبّك متل ما انت حبيتنا وفديتنا بذاتك تا تعطينا الخلاص.


كلنا مدعويّن يا ربّ، نحنا المعمّدين بالروح القدس، تا نكون رسل حقيقيين لإلك، نعرف كيف نعكس حقيقة قيامتك بحياتنا.


ونحنا تلاميذك، اللي نقّيتنا بأسماءنا، رح نحاول بقوّة الروح القدس، اننا نعيش الإصغاء الكامل لكلامك ونفتح قلوبنا على نورك ونندفع بفرح للعمل بكرمك تا نملي الأرض من ثمار حبّك وفرحك وسلامك يا ربّ.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.