صبحية مع الرب


17 Jul
17Jul
إعلان خاص

منسبّحك ومنمجّدك يا ربّ بصباح هالنهار المميّز واللي فيه بتعيّد الكنيسة المارونية وبتتذكّر وبتكرّم القديسة مارينا.

من مارينا، هالقديسة اللي عاشت الالم بصمت، الم الشتم والاهانات، كرمال تبقى ببيتك يا ربّ، منتعلّم كيف نصبر عالآلام والمحن والصعوبات اللي عم نواجها اليوم، وهالشي حبّا فيك.

من القدّيسة مارينا، هالتلميذة اللي كانت عم تتمثّل فيك يا ربّ بالتواضع والوداعة وتسامح كل اللي افترو عليها، منتعلّم كيف نحبّ الآخرين ونغفر لكل مين عم يأذينا، ونعرف انو التواضع والوداعة هني اساس حياتنا معك وتلمذتنا لإلك.

من القدّيسة مارينا، هالراهبة اللي عرفت تختارك النصيب الأفضل وتسلّمك ذاتا تا تكون وحدك الملك والحبيب والعريس يا ربّ، منتعلّم كيف نستسلم بكلّيتنا بين ايديك ونآمن انو معك منلاقي السعادة والفرح الأبدي، ونكون دايما مستعدين تا نلتقي فيك.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.