صبحية مع الرب


15 Jul
15Jul
إعلان خاص

يا إله السما والأرض، منسبّحك ومنمجّدك بصباح هالنهار المبارك.

شو هالضعف بالايمان فيك عند الفريسيين اللي صارو يألفو خبار شيطانية عليك يا ربّ.

كيف ممكن تكون انت عم تشفي المرضى بقوة شيطانية؟ كيف بتقدر قوة بعلزبول تقيم ميّت وتعطيه الحياة؟

هيدا النوع من الناس بقي ورح يبقى عايش بالبؤس لأنّن ما رح يفهموك وبدّن يشوّهو كلامك وسمعتك تا يرجعو يربحو المراكز وخصوصي صوت الشعب.

بس معك وعليك ما في شي بيتخبّى، انت اللي عرفت بؤس وضعف هالفريسيين لمّن اتّهموك بإنّك عم بتدمّر ملكوت الله وتوقف بصف الشيطان بمجرد ما كنت بكلامك وبعجايبك عم بتناقض تعليمن وتدعيون تا يتوبو ويرجعو للإيمان فيك انّك الله معن وبيناتن.

يا ربّ السما والأرض ساعدنا تا ما نوقع بالتفاسير المغلوطة، وساعدنا تا نقدر نخبّر عنك بإيمان ونعيشك بصدق بين العالم.

/الخوري يوسف بركات/

تعليقات
* لن يتم نشر هذا البريد الإلكتروني على الموقع.