صبحية مع الرب


12 Jul
12Jul
إعلان خاص

ببداية هالاسبوع المبارك، منرفعلك يا ربّ قلوبنا وافكارنا تا تباركا ونعرف نسبّحك متل ما بيليق فيك.

ممكن الانسان يستغرب من سؤال تلاميذك لإلك يا ربّ وطلبن منّك إنّك تعلّمن كيف يصلّو، لأنّن كانو ضايعين بين كيف بتتطلب منّن الشريعة الصلاة ومن طريقتك انت بالصلاة لبيّك السماوي.

وياما اوقات كتير منضيع بعدد حبّات المسبحة أو بكتب الصلاة وما منعود نعرف شو بدنا نصلّي، بينما الصلاة الأساسيّة اللي علّمتا لتلاميذك هيي إننا نناجيك يا الهنا الحبيب، ونمجّد الآب السماوي، ونشكر الروح القدس الحاضر فينا ونسبّحكن، ونطلب حضور امّك العدرا مريم معنا، ونتأمل بحياة القدّيسين ونطلب شفاعتن وصلاتن تا نكون عم نعرف نعيش حياتنا بحسب مشيئتك.

أجمل ما ممكن نصلّيه، ونفتح علاقة معك يا ربّ، هيي صلاة الأبانا اللي علّمتا لتلاميذك، واللي فيها كل شي: المناجاة والتسبيح والتمجيد والشكر والطلب.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.