صبحية مع الرب


11 Jul
11Jul
إعلان خاص

بصباح هالأحد المبارك منرفعلك آيات الحمد والتمجيد والشكر يا الهنا الحبيب.

عظيم انت يا ربّ كيف بتواضعك الحقيقي جذبت الناس لالك، وبمحبتك اللي ما الها حدود غفرت ليللي خانوك وأهانوك وصلبوك وقتلوك.

عظيم انت يا ربّ، كيف جيت وغيّرت حالة الكون كلّو بهدوءك المليان حبّ ورحمة وحنان.

جيت تعلن انّو قوّة الانسان باطلة والعنف ما بيفيد، وانو خلاص العالم كلّو ما بيصير إلّا بروح السلام والمحبة وبالخدمة المجانية.

عظيم انت با ربّ، كيف انّك انت ابن الله الآب، نزلت من علياءك وصرت خادم لإرادتو عا هالأرض. انت الإله المسالم اللي ما بتخاصم ولا بتأذي حدا.

انتي اللي عرّفتنا عا الله الآب اللي خلقنا من فيض حبّو قدّيسين بس نحنا بادلناه هالحبّ بالخطيّة وبالضعف.

اليوم، رح منقدّملك أهم ما عنّا: عقولنا وقلوبنا، وما بدنا شي إلّا نحبّك ونرضيك بأعمالنا يا الهنا الحبيب.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.