صبحية مع الرب


10 Jul
10Jul
إعلان خاص

بهالنهار المبارك منسبّحك يا ربّ ومنباركك ومنمجّدك مع الشهدا المسابكيين الموارنة الثلاثة.

على مثال هالإخوة الشهدا اللي حافظو عا ايمانن بثبات فيك وما خافو من اللي رح يقتللن جسدن، بدنا نكون أمينين لإيماننا فيك يا ربّي يسوع.

على مثال هالأبطال اللي تركو الدني وما فيها وقالو نعم للموت حبّا فيك يا ربّ، نحنا بدنا نكون عم نمشي دربن ونتخلّى عن كل طمع ارضي تا نستحق اننا نكون أبطال بملكوتك السماوي.

على مثال هالقدّيسين الثلاثة اللي كانت عيونن عم تتطلّع عليك وانتي عم تدعيون تا ما يخافو ويسلّموك ذاتن وينالو اكليل المجد، بدنا نعيش معك من دون خوف من الماضي ولا من الحاضر ولا من اللي جايي علينا، بدنا نسلّمك ذاتنا بكلّيتا تا تكون انت هدفنا وغايتنا وقداستنا.

ربّي يسوع، شو صعب بس حلو اننا نعيش القداسة بحسب رغبة قلبك خصوصي بهالظروف الصعبة.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.