صبحية مع الرب


08 Jul
08Jul
إعلان خاص

بصباح هالنهارالمبارك، منسبّحك يا ربّ ومنمجّدك ومنشكرك عا كل٠ نعمك وعطاياك.

شو هالعلاقة المميّزة بين الملكوت وبين المحبّة اللي بتركّزلنا عليها يا ربّ بكل تفسيراتك واجوبتك عالأسئلة اللي كانت تنطرح عليك.

واليوم بالتحديد عم بتقول لعالم التوراة ولإلنا كمان إنو اذا بدنا نورث الملكوت، علينا اننا نحبّك من كل قلوبنا، وعلينا كمان بالمقابل اننا نحبّ خينا الانسان، كل انسان حطّيتو بدربنا تا نتقدّس من خلالو.

هالمحبة اللي بتدعينا لإلها هيي منبع كل محبّة عالأرض.

لأنّو اللي ما بيعرف يحبّك محبّة صجيحة يا ربّ، بتكون محبّتو لخيّو الانسان ناقصة.

بتكون ارضيّة، بشريّة، ومحدودة.

كلنا ايمان فيك يا ربّ، نبع المحبّة، واذا ما شربنا منّك، رح ينشّف قلبنا ويتحجّر، ورح نموت بالحقد والكراهية والبغض والانانية.

بس رح نبقى ماشيين عا تعاليمك ورح نسعى دايما تا نعيش هالمحبّة.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.