صبحية مع الرب


07 Jul
07Jul
إعلان خاص

صباح المحبّة والفرح والسلام هوي صباحك اللي بيشرق علينا يا رب.

شو حلو هالمشهد اليوم بكلام الانجيل يا ربّي يسوع! عم نشوف التلاميذ ال٧٢، اللي ارسلتن اثنين اثنين للرسالة، راجعين لعندك وقلبن مليان فرح.يا ربّي يسوع، انت لمّن بعتت هالتلاميذ للرسالة، كنت عارف بالخطر اللي رح يواجهو، انت اللي قلتلن انّن بدّن يكونو حملان بين الذئاب، وكانو قد المسؤولية ونجحت الرسالة.

بعتتن للمدن يللي ممكن ما تقبلن، وحمّلتن السلام اللي ممكن ترفضو هالمدن او البيوت اللي رح يدقّو بوابا.

وكانو قدّا لأنّن كانو مدفوعين بقوّة الروح القدس، وزرعو الكلمة اللي رح تنبت.

ما تشاءم التلاميذ من صعوبة الرسالة، تطلّعو بالخير اللي رح بيصير ولكلّ اللي رح يهديهن الربّ للإيمان.

يا ربّ، قوّينا اكتر وأكتر تا نكون متل هالتلاميذ عم نحملك للعالم ونكون عم نحفر اسماءنا بملكوتك.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.