صبحية مع الرب


04 Jul
04Jul
إعلان خاص

منسبّحك ومنمجّدك يا ربّي يسوع، بصباح هالأحد المبارك اللي فيه عم ترسلنا تا نكون شهودك وشهداءك بمحيطنا وبمجتمعنا.

رسالتك يا ربّ اليوم لكل واحد وواحدة منا إننا نكون بحياتنا اليومية عم نشهد لقيامتك ولمحبتك.

شو ما كنا ناجحين بحياتنا الاجتماعية والعمليّة، بيبقى في وقت لنشكرك يا رب عا كرمك اللي ما بينوصف.

كل واحد وواحدة منا رسلك بالحياة عم نلبّي نداءك لإلنا تا نكون حملان بين الدياب، نعرف نوصّل كلمتك وشخصك للناس بكل أمانة.

نحنا بدنا نتبعك يا ربّ، ونعيش معك، ونحبّك، ونخبّر عن عجايبك بحياتنا. وبدنا نبني معك قصّة حبّ تنما وتكبر يوم بعد يوم، ولحظة بلحظة، وتوعّينا عا حقيقة حضورك بحياتنا.

يا ربّي يسوع، بدنا نكون رسلك الممتليين من حبّك وفرحك، وشهود أمينين لهالحبّ الالهي.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.