صبحية مع الرب


03 Jul
03Jul
إعلان خاص

بنهاية هالأسبوع المبارك، منرفعلك كل التسبيح والتمجيد يا ملك الملوك.

يا ربّنا وإلهنا يسوع المسيح، نحنا كلّنا ثقة إنّو الحياة الأبدية والفرح الأبدي هني بس مع الآب ومعك ومع الروح القدس، وهيدا إيماننا الثابت بهالحياة الفانية.

يا ربّنا وإلهنا يسوع المسيح، نحنا كلّنا، كمؤمنين ومؤمنات، عم نسعى وعم نجتهد، من خلال سماعنا لكلامك والعمل فيه، تا نحصل عا هالحياة الأبديّة اللي واعدنا فيا.

يا ربّنا وإلهنا يسوع المسيح، حياتنا ما بتكتمل إلاّ لمّن منتّحد فيك من خلال تناولنا جسدك ودمك، وتكون إنت الأول بحياتنا والغاية منها.

يا ربّنا وإلهنا يسوع المسيح، نحنا منعرف إننا ما رح نحصل عالحياة الأبديّة معك إذا ما تخلّينا عن ذاتنا وعن تعلّقنا بأنانيّتنا وبالأرضيّات.

يا ربّنا وإلهنا يسوع المسيح، ما رح نخاف ولا رح نيأس رغم كل اللي عم بيصير، لأنّك إنت إلهنا معنا.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.