صبحية مع الرب


30 Jun
30Jun
إعلان خاص

بصباح هالنهار المبارك، بدنا نشكرك يا ربّ عا كل عطاياك اللي ما بتنعد واللي بتخلّينا نكون رسل حقيقيين عا مثال الرسل الـ١٢ اللي إنت اخترتن.

بدنا نشكرك اليوم مع الرسل الـ١٢ عا محبّتك الجامعة والكبيرة لكنيستك اللي افتديتا بدمّك عالصليب، وعا محبّتك الفرديّة اللي بتخصّ فيا كل واحد وواحدة منّا وبتجعلنا، من خلالا، جسدك السرّي.

بدنا نشكرك يا رب مع الرسل الـ١٢ لأنّك وثقت فيون بالرغم من ضعفن، وبعدا ثقتك فينا لهلّق كبيرة بالرغم من خطايانا.

بس نحنا، وبكتير من الأوقات ، منخلق هاوية بيننا وبينك نتيجة إستهتارنا وضياعنا ووسخنا اللي عمّرو حيطان تا تحاول تمنعنا منّك ومن حبّنا الك.

يا ربّ، ما بدنا شي يفصلنا عنّك، وبدنا ياك تكون حاضر معنا تا نقدر نواجه كل الصعوبات بفرح الروح ونكون كلنا اخوة فيك، بالرغم من كل الإختلافات بالرإي بيناتنا.

أملنا ورجانا هنّي إنّك تضلّ معنا وفينا لآخر لحظات حياتنا.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.