صبحية مع الرب

بصباح هالنهار المبارك اللي منعيّد فيه عيد مار يوحنا المعمدان، منسبّحك ومنمجّدك يا ربّي يسوع.

عظيم انت يا ربّ، اخترت يوحنا قريبك تا يكون النبي الأخير اللي رح يحضّرلك الارضية تا تتجسّد وتصير انسان منّا ومعنا، ونحنا بدورنا رح نكون على مثالو، بإيماننا الثابت، ارض خصبة تا تتجسّد فيها.

يوحنا المعمدان اللي سلّمك كل حياتو تا تكون انت القدوة والهدف، ونحنا بدورنا رح نكون عم نحطّك انت الاساس والغاية اللي منسعى لإلها.

يوحنا المعمدان اللي تخلّى عن المجد اللي كان ممكن انو يحصل عليه تا يكون عم بيدل الناس عليك، ونحنا يا ربّ عم نحاول اننا نتخلى عن كل شي بيعلّقنا بملذات هالعالم الارضي تا نثبت فيك.

يوحنا المعمدان المعلّم اللي عرف انّو هوي تلميذ بمدرستك يا ربّ، ونحنا بدورنا غايتنا اننا نكون تلاميذك، نسعى على اننا نرضيك ونفرّح قلبك يا ربّ.

/الخوري يوسف بركات/