صبحية مع الرب

صرخة قوية صرختا يا ربّي يسوع للآب السماوي، وهيي صرخةالانسان، كل انسان، قدّام الصعوبات والالم والموت.


هالصرخة اللي صرختا يا ربّي يسوع للآب السماوي، اجت تا تخلّص الانسان، كل انسان بيآمن فيك، من الفشل واليأس والاحباط.


هالصرخة اللي صرختا يا ربّي يسوع للآب السماوي، كانت مليانة حبّ للإنسان، كل انسان انت جيت كرمالو، تا تدعيه فيها على الثبات فيك وعلى الرجا بإنّو لو شو ما صار بتبقى القيامة معك هيي الهدف الوحيد اللي غايتنا نوصلّو.


ومعك يا ربّ بدنا ننتصر عالموت تا يصير طريقنا للمجد، لأنّك انت سبقتنا وحقّقتو بالطاعة الكاملة لمشيئة الله الآب.


يا ربّي يسوع، كل مجد هالدني الفانية ومغرياتا هنّي وهم.

ونحنا ما بدنا نعيش بالوهم، بدنا نلمس حضورك فينا ونعيشو تا نقدر نحصل عالمجد الأبدي.


/الخوري يوسف بركات/