صبحية مع الرب


23 Jun
23Jun
إعلان خاص

منسبّحك ومنشكرّك يا ربّ عا كل نعمك وعطاياك اللي بتنعم فيون علينا، وعا حضورك الدايم معنا.

متل ما بيقول المتل انّو الصبر هوّي مفتاح الفرج، هيك كمان معك يا ربّ وبطريقة تانية منتهلّم منّك انو الصبر هوي مفتاح الخلاص.

بس عا شو بدنا نصبر يا ربّ بهالإيام وبهالظروف الصعبة؟ عا شو بدنا نصبر اذا كان كل شي ماشي بعكس ما انت بتدعي الناس انن يعيشوه؟

عا شو بدنا نصبر بوقت اللي كلّ اللي بيشوفونا عم نحاول نطبّق تعاليمك بحياتنا بيعتبرونا مش طبيعيين او اجرينا طايرين او عم نمثّل.

عا شو بدنا نصبر يا ربّ، والشيطان واقف تا يفترسنا بكل الطرق من خلال ارتكاباتنا للخطية ولو حتى من دون وعي وقصد.

بدنا نصبر عا كل شي بيبعّدنا عنّك لأننا ابناءك وبناتك يا ربّ، بس مش حيلا صبر، الصبر المليان من حبّك.


/صبحية مع الرب/

Social media khoddam El rab
تعليقات
* لن يتم نشر هذا البريد الإلكتروني على الموقع.