صبحية مع الرب


19 Jun
19Jun
إعلان خاص

بهالصباح المبارك، منسبّحك ومنمجّدك يا ربّ مع الرسول يهوذا غير الاسخريوطي.

يهوذا غير الإسخريوطي، مع الرسل الباقيين، عاين مجد قيامتك وراح يبشّر فيها كل الأمم.

يهوذا الرسول اللي، عكس يهوذا الإسخريوطي اللي خانك، تاب بعد ما هرب وقتا حكم عليك اليهود المتشدّدين وهانوك وصلبوك وقتلوك.

يهوذا الرسول اللي حبّك وعاش معك وعمل بوصاياك وشدّد على إنّو يحبّك بكل إنسان إلتقى فيه بكلّ المناطق اللي بشّر فيا بكلمتك.

يهوذا الرسول اللي عرف، على ضوء قيامتك، أنّك أنت والآب واحد وأنّك أنت الحياة والقيامة والحقيقة بذاتا، وتأكّد بإنّو الروح القدس كان مرافقو وعاطيه التعزية برسالتو التبشيريّة فيك، لهيك تحمّل كلّ الآلام والعذابات بفرح وسلام ورجا.

وعا مثال الرسول يهوذا بدنا نكون، يا ربّ، عم نعرف نسلّمك حياتنا ودعوتنا ورسالتنا .


/الخوري يوسف بركات/

Social media khoddam El rab
تعليقات
* لن يتم نشر هذا البريد الإلكتروني على الموقع.