07 May
07May

صحيح يا ربّ متل ما قالولك اليهود إنّو كلامك صعب، بس هيدا لأنّك ما بتحابي الوجوه، لا بل كلامك كلام حقّ وحياة مهما كانت ردّة الفعل تجاه هالكلام.

صحيح كلامك صعب يا ربّ وأوقات ما منقبل نطبقو والأصعب إننا نختار البعد عنّك لأنو فيه تنازل عن أنانيّتنا المتحكّمة فينا.

وكلامك دايماً يا رب بيحطنا قدّام خيارين: يا الملكوت، أو رئيس هيدا العالم، لهيك بطرس بيقلّك لوين بدنا نروح يا ربّ وكلام الحياة الأبدية عندك؟

يا ربّ، نحنا بدنا الحياة وما في حياة إلاّ معك وفيك يا إلهنا الحبيب، والخير كلّو منّك، إنت اللي ما بتردلنا إلاّ الخير وما بتتركنا وحيدين لأنّك تركتلنا أجمل معزّي: الروح القدس، روح الحق اللي بيعطي معنى لحياتنا.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.