21 Apr
21Apr

ما في أجمل من الصباح اللي بيدأ بتمجيدك يا ربّ بعد ما نكون مسَلمين ليلنا للروح القدس تا يحفظنا من التجارب.

يا ربّي يسوع، قدّيشك عظيم تا عم توثق فينا لدرجة إنّك تعطينا القدرة على صنع العجايب، نحنا اللي بضفعنا ما فينا نزيح حجر من محلو.

قدّيشك عظيم يا إلهنا الحبيب تا عم تنجّينا من كل تجارب إبليس اللي متجسّد بأبسط الخطايا وبيحاول يفترس كل إنسان ضعيف بالإيمان.

قدّيشك عظيم يا مخلّصنا يسوع تا حطيت حياتك بين إيديننا نحنا البشر اللي ما عرفنا قيمتك ولا عم نآمن بقدرتك الإلهيّة اللي فيها تغيّرنا بكلمة أو بنسمة أو بهمسة، شرط إنّنا ننوي عالتغيير ونكون معك.

ما أجملك وما أبهاك يا يسوعنا الغالي، إنت اللي إنتصرت عالموت بقيامتك، وباقي معنا جسدياً بسرّ القربان وروحيا بسرّ الإنسان.
منحبّك يا يسوع.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.