28 Mar
28Mar

شو حلو الربيع لمّن الطبيعة بتتفتّح عا نورك وشمسك اللي بتعطي الحياة يا إله الحياة.

حياتنا يا ربّ، هيي سفر دايم ببحر هالعالم المليان بالخطية الواقفة عالباب ومخلعتنا وعم بتخبّطنا وتعذّبنا وتحاول تغرينا بمغريات هالعالم.

حياتنا يا ربّ مسيّجة بالصعوبات والأخطار، ومليانة بالأشخاص الممسوسين اللي سلّمو ذاتن للشرّ والشرّير وأعمالو السيئة والباطلة.

ببحر عتمة الظلمة اللي عم تحاول تعميلنا قلوبنا عنّك، وحدك يا يسوع قادر على إنّك تشفينا وترجّعنا لحياة البنوّة لإلك المليانة من نورك، هالحياة اللي بتثمر الفرح والسلام والحقّ وكل شي بيرضيك ياربّوحدك يا يسوع الحاضر تا تساندنا، ومعك منكون بأمان ومنوصل للهدف اللي بدنا ياه وهوي الحياة معك وفيك.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.