28 Feb
28Feb

يوم جديد ونهار جديد بزمن جديد منبتدي فيه الصوم المقدّس بتسبيحك وشكرك يا ربّ عا كل نعمك وعطاياك اللي ما بتنتهي.

ببداية هالصوم المبارك، منتذكر يا ربّ إننا، صحيح انجبلنا، من التراب بكلمة منّك، ولكن نحنا من قلبك ولقلبك رح نرجع لأنّك إله المحبّة والحنان.

هالصوم، اللي بتدعينا فيه يا ربّ تا نفتح صفحة جديدة معك مليانة حبّ وفرح وسلام معك ومع كل اللي منلتقي فيهن بحياتنا، هوي بداية مرحلة منتجدّد فيها معك تا نكون أبناء وبنات حقيقيين أهل تا تدعينا تلاميذك ورسلك بهالعالم.

هالصوم اللي رح نتذكر فيه قديش حبّيتنا يا ربّ، لدرجة إنّك عطيتنا ذاتك كل يوم غذاء ودوا وحياة، هوي نقطة إنطلاق لنتخطّى كل العراقيل والصعوبات اللي بتحاول انها تمنعنا من اننا نلتفت ونمشي صوبك بخطوات ثابتة وأعمال بتليق فينا كأبناء وبنات إلك.

/الخوري بوسف بركات/

تعليقات
* لن يتم نشر هذا البريد الإلكتروني على الموقع.